WUWUHAN (AFIKS)

PARAMASASTRA - WUWUHAN LAN SESELAN

WUWUHAN (AFIKS)

1. ATER-ATER (PREFIKS)

 A-, MA-,  ANUSWARA, , TRIPURUSA, …lsp

Ater-ater  iku wuwuhan kang manggone ing sangarepe tembung lingga.

Wujude ater-ater : Anuswara, Tripurusa,  a-, ma-, ka-, ke-, sa-, pa-, pi-, pra-, pri-, tar- kuma-, kami-, kapi-

ANUSWARA

Ater-ater Anuswara utawa A- wujude ana papat; m-, n-, ny-, ng- (alomorf)

Panganggone

a. tembung lingga kang apurwa : p, w, t, th, c, k, s, konsonan mau bakal luluh.

            m-        +          prabu               =          mrabu

            m-        +          waca                =          maca

            n-         +          tembang           =          nembang

            n-         +          thiwul              =          niwul

            ny-       +          coba                 =          nyoba

            ny-       +          sawang             =          nyawang

            ng-       +          kalong              =          ngalong

           

 salajengipun ......

           

b. ing ragam susastra sok dadi am-, an-, any-, lan ang-

            m-        +          purba               =          (h)amurba

n-         +          deleng              =          andeleng

ny-       +          sapih                =          anyapih

ng-       +          gawe                =          anggawe

           

c. ing tembung lingga sawanda wujude dadi nge-

            A-        +          cet                    =          ngecet

            A-        +          kum                 =          ngekum

            A-        +          rem                  =          ngerem

d. tembung lingga kang kawiwitan aksara s lan c, ana kang nggunakake n- ora ny-

            A-        +          cacad               =          nacad

            A-        +          sembah                        =          nembah

            A-        +          susul                =          nusul

Gunane

-ngowahi tembung lingga dadi tembung kriya tanduk

            m-        +          pasang             =          masang

            n-         +          tandur              =          nandur

            ny-       +          jupuk               =          njupuk

            ng-       +          umbah             =          ngumbah

-ngowahi tembung lingga dadi tembung kahanan

            m-        +          banyu              =          mbanyu

            ng-       +          kebo                =          ngebo

Arane rimbag :

-rimbag tanduk kriya wantah

anuswara  +  Tb. Lingga                       (ngombe, mulang, nanting, nyinau)

-rimbag tanduk ikriya

            Anuswara  +  Tb.Lingga  + -i   (nuntuni,  ngusungi, nyambangi, marani)

-rimbag tanduk kekriya

Anuswara  +  Tb. Lingga + -ake           (ngusungake, mblanjakake, nandhingake, nyuwekake)

TRIPURUSA

wujude : dak- kanggo utamapurusa, kok- kanggo madyama purusa, di- kanggo pratama purusa ; ing tembang (susastra) dadi den-

gunane : ngowahi tembung lingga dadi tembung kriya tanggap

arane rimbag : rimbag tanggap utamapurusa, tanggap madyamapurusa, anggap pratamapurusa

dakombe          daktulisi           dakgawakake               kula …

kokjupuk         kokusungi        koktembangake             Panjenengan tembangaken

direbut             dirasani              dienggokake                dipunraosi

densebut          den…

GEGLADHEN

1) Tembung ing ngisor iki  endi kang oleh ater-ater anuswara? Terangna pandhapuke!

            -ngangsu                      -mangsi                                    -ngunekake

            -ngungkung                  -nyanyi                                    -mireng

2) Tembung-tembung ing ngisor iki gawenen ukara kang becik !

            -dakanggo                    -kokwenehi                              -dipuntepangaken

            -nacad                          -mirengaken    

ATER-ATER  a-         

wujude ana telu : a-, mar-, mer-

rimbage : bawa ha-

panganggone :

a-         +          basa                 =          abasa              

a-         +          klambi             =          aklambi

a-         +          gaman              =          agaman

ma-      +          guru                 =          maguru                                   

mer-     +          tapa                  =          mertapa

mer-     +          tobat                =          mertobat                     

mer-     +          tamba               =          mertamba

gunane : ngasilake tembung kriya tanduk tanpa lesan (aktif intransitif)

ATER-ATER maA- UTAWA maN-

man-    +          tunggal             =          manunggal                  

mang-  +          lor                    =          mangalor                     

man-    +          tungkul                        =          manungkul

gunane : ngasilake tembung kriya tanduk tanpa lesan

ATER-ATER   ka-

Rimbage aran :  rimbag bawa ka

Gunane : ngasilake tembung kriya tanggap, lan  tembung aran

ka-       +          tampa               =          katampa                      

ka-       +          tempuh                        =          katempuh                    

ka-       +          bupati  + -an    =          kabupaten

ka-       +          paring  + -an    =          kaparingan                  

ka-       +          pundhut + -ake            =          kapundhutake             

ka-       +          undhuh   + -ake            =          kaundhuhake              

           

ATER-ATER    ke-

Gunane : kriya tanggap, tembung kahanan

ke-       +          cemplung         =          kecemplung                

ke-       +          gawa                =          kegawa                                   

ke-       +          tinggal  + -an    =          ketinggalan                

ke-       +          obong              =          kobong

ke-       +          adhem   + -en   =          kadhemen                   

ke-       +          udan    + -an   =          kudanan                      

tegese : nandhang pakaryan kang ora disengaja, lan nandhang kahanan

GEGLADHEN

3) Tembung-tembung ing ngisor iki gawenen ukara !

            -aklambi                      -maguru                       -mertobat

            -katempuh                   -kudanan                     -kadhemen

ATER-ATER  Sa-

Bisa dadi sa-, se-

Gunane : ngasilake tembung wilangan

sa-        +          dina                 =          sadina             

sa-        +          gelas                =          sagelas                        

sa-        +          yuta                 =          sayuta             

sa-        +          omah               =          saomah                       

sak-      +          kos    + -an       =          sakosan

ATER-ATER    pa-, pi-, pra-, pri-

Ngasilake tembung aran

Ater-ater pa- bisa dadi paA- utawa paN-

pa-       +          warta                =          pawarta                       

pa-       +          etung                =          petung             

paN-    +          panggih                        =          pamanggih                  

paN-    +          suwun              =          panyuwun

ATER-ATER    pi-

pi-        +          wulang             =          piwulang         

pi-        +          tutur                 =          pitutur             

pi-        +          guna                 =          piguna                         

pi-        +          andel                =          piandel

ATER-ATER    pra-

pra-      +          jurit                  =          prajurit            

pra-      +          tingkah             =          pratingkah       

pra-      +          sangka             =          prasangka                   

pra-      +          lambang           =          pralambang

ATER-ATER   pri-

pri-       +          bumi                =          pribumi                       

pri-       +          angga               =          priangga          

pri-       +          kanca               =          prikanca

GEGLADHEN

4) Tembung-tembung ing ngisor iki gawenen ukara !

            -sadina                         -sakelas                                    -saumur

            -prasangka                   -panganggo                  -pitutur

                                   

ATER-ATER  tar-

gunane : tembung katrangan, tembung kriya

tar-       +          tamtu               =          tartamtu          

tar-       +          buka                =          tarbuka                       

tar-       +          kadhang           =          tarkadhang                  

tar-       +          waca                =          tarwaca

ATER-ATER kuma-, kami-, kapi-

gunane : ngasilake tembung kahanan

kuma-  +          ayu                  =          kumayu                      

kuma-  +          wani                 =          kumawani       

kami-   +          gila     + -an      =          kamigilan                    

kami-   +          seseg   + -en     =          kamisesegen

kapi-    +          adreng              =          kapiadreng      

kapi-    +          lare                  =          kapilare                       

GEGLADHEN

5)  Gawenen ukarane !

            -tarkadhang                  -tarwaca

            -kumayu                      -kamigilan

2. SESELAN

Seselan (infiks) iku wuwuhan kang manggone ing satengahe tembung. Ing basa Jawa seselan iku cacahe ana papat, yaiku –um-, -in-, -er-, lan –el-.

Seselan –um-

Rimbage diarani rimbag bawa ma, sebabe yen kaseselake ing tembung lingga kang apurwa aksara menga (vokal) malih dadi m- lan dumunung ing sangarepe tembung lingga.

Tuladha :

unggah       +          -um-              =     umunggah         -- munggah

atur             +          -um-              =     umatur              -- matur

esem           +          -um-              =     umesem                       --  mesem

Tembung lingga kang kawiwitan aksara p menawa oleh seselan -um-, aksara p malih dadi k. Dene tembung lingga apurwa konsonan b kang oleh seselan –um-, aksara b mau dadi g.

Tuladha :

                        pinter          +          -um-              =     puminter                       --  kuminter

                        panggang    +          -um-              =     pumanggang      -- kumanggang

                        bagus          +          -um-              =     bumagus                      --  gumagus

Gunane : ngasilake tembung kriya tanduk tanpa lesan  lan tembung kahanan.

Tuladha :

                        laku            +          -um-              =     lumaku

                        teka            +          -um-              =     tumeka

                        gagah          +          -um-              =     gumagah

                        bagus          +          -um-              =     gumagus

Seselan –in-

Rimbage diarani tanggap na- Tembung kang oleh seselan –in- tegese padha karo yen oleh ater-ater di-, lan kalebu tembung kriya tanggap.

Tembung lingga kang apurwa vokal menawa oleh seselan –in-, seselan –in- owah dadi ing- lan dumunung ing ngarep tembung.

Tuladha :

                        usung          +          -in-                =     inusung             -- ingusung

                        awor           +          -in-                =     inawor               -- ingawor

                        ombe          +          -in-                =     inombe              -- ingombe

Yen tembung lingga apurwa konsonan oleh seselan –in- , seselan –in- ora ngalami owah-owahan.

Tuladha :

                        cangking     +          -in-                =     cinangking

                        jawat           +          -in-                =     jinawat

                       

Seselan –er- lan –el-

Seselan –er- sok malih dadi –r-, dene seselan –el- kadhangkala malih dadi –l-.

Gunane kanggo ngasilake tembung kahanan.

Tuladha :

                        kelip           +          -er-                =     kerelip               --  krelip

                        titi               +          -el-                =     teliti                   --  tliti

GEGLADHEN

6)  Tembung-tembung ing ngisor iki udhalen kepriye mungguh pandhapuke !

                        - Dina minggu aku bakal munggah gunung Semeru.

                        - Mas Irawan ngunggahake koper-koper mau menyang loteng.

                        - Swarane banjir bandhang iku gumuruh          nggeterake ati.

                        - Hartati mesem, mengkono uga Astuti.

                        - Meru jumangkah, notol atine kepengin nyawang pating krelipekartika.